Көп берилүүчү суроолор (КБС)
Ар кандай деңгээлдер эмнени билдирет?
1-деңгээл: Көрсөткүч так аныкталган, эл аралык деңгээлде кабыл алынган методология жана стандарттар бар, маалыматтар өлкөлөр тарабынан ар бир региондо көрсөткүч тиешелүү болгон калктын жана өлкөлөрдүн 50%ынан кем эмес чогултулат. 2-деңгээл: Көрсөткүч так аныкталган, эл аралык деңгээлде кабыл алынган методология жана стандарттар бар, бирок маалыматтар өлкөлөр тарабынан дайыма чогултулбайт. 3-деңгээл: Көрсөткүч үчүн методология жана стандарттар али иштелип чыккан эмес, бирок иштеп чыгуу жана тестирлөө процесси жүрүп жатат. Жаңы же башка маалымат булактарын кантип сунуштай алам? Эгерде колдонулган маалымат булактары боюнча сунуштарыңыз же сын-пикирлериңиз болсо, же жаңы булактарды сунуштагыңыз келсе, бизге sdg_nsc@stat.kg дареги аркылуу жазсаңыз болот.
Отчеттуулук статусу эмнени билдирет?
Көрсөткүч үчүн үч түрдүү отчеттуулук статусу бар, алар төмөнкү түстөр менен белгиленет:
- Онлайн отчет бар (жашыл): Бул көрсөткүч боюнча улуттук деңгээлдеги негизги маалыматтар сайтта жеткиликтүү, бирок маалыматтар бардык категориялар боюнча толук бөлүштүрүлбөшү мүмкүн. Кошумча бөлүштүрүүлөрдү издөөнү улантып жатабыз.
- Маалыматтар даярдалууда (сары): Улуттук деңгээлде көрсөткүч же прокси үчүн ылайыктуу маалымат булагы табылды. Азыр биз маалыматтардын сапатын текшерип, жарыялоого даярдап жатабыз.
- Маалымат булактарын изилдөө (кызыл): Бул көрсөткүч үчүн ылайыктуу маалымат булагы али табыла элек.
- Көрсөткүчтүн маалыматын топтоо жана отчеттуулук статусу тууралуу кошумча маалымат көрсөткүчтүн баракчасынын жогорку бөлүгүндө көрсөтүлөт.
Бул сайтка жаңы маалыматтар канча убакытта кошулуп турат?
Маалыматтар чогултулуп, текшерилгенден кийин, алар сайтка кошулат. Бул жаңы маалыматтарды жана мурун жарыяланган маалыматтарды жаңыртууну камтыйт. Тематика боюнча эксперттер менен иштешүү аркылуу, бар болгон булактардан маалыматтарды топтоону улантабыз.
Маалыматтагы боштуктарды толтуруу үчүн эмне кылып жатасыздар?
Кээ бир көрсөткүчтөр боюнча, улуттук деңгээлде маалымат болгону менен, биздин азыркы булактар бардык негизги топтор боюнча маалыматтарды бөлүп көрсөтүүгө мүмкүнчүлүк бербейт.
Бул жаңы маалымат булактарын издөө, учурдагы булактарды байланыштыруу же маалыматтарды моделдөө зарылдыгын билдирет.
Бул сайт канчалык жеткиликтүү?
Биздин максат – бул сайтты бардык колдонуучулар үчүн мүмкүн болушунча жеткиликтүү жана ыңгайлуу кылуу. Биз Веб контенттин жеткиликтүүлүгү боюнча нускамалардын (WCAG 2.0) AA деңгээлине жетүү үчүн аракет кылып жатабыз.
Бул сайтты кайсы браузерлерде ачса болот?
Сайт эң популярдуу браузерлердин акыркы версияларында иштейт. Бирок эски версиялар, мисалы IE8, кээ бир көйгөйлөрдү жаратышы мүмкүн. Бул көйгөйлөрдү чечүү боюнча иштеп жатабыз.
Башка өлкөлөр бул сайтты көчүрүп алабы?
Ооба. Бул сайт толугу менен акысыз программалык камсыздоону жана кызматтарды колдонуу менен курулуп, жайгаштырылган. Ошондуктан, башка өлкөлөр жана жергиликтүү коомчулуктар биздин кодду эркин жана оңой колдоно алышат. Бул платформаны ишке ашыруу боюнча техникалык сунуштамалар бул жерде жеткиликтүү . Өз маалыматтары боюнча отчет берүү жолдорун изилдеп жаткан өлкөлөр жана жергиликтүү коомчулуктар Ачык Маалыматтар Борборунун (CODE) ЦУР боюнча улуттук отчеттуулук демилгеси аркылуу кошумча колдоо ала алышат.